Фатмир Лимани ја презеде функцијата министер за социјална политика, демографија и млади

г-н Фатмир Лимани ја презеде функцијата министер за социјална политика, демографија и млади, по вчерашниот избор во Собранието на РСМ.

Министерот беше пречекан од државниот секретар, Фљакрон Беџети.

Лимани е дипломиран професор по историја и активно говори албански (мајчин јазик), македонски, англиски и германски јазик. Toj беше избран за пратеник во Собранието на РСМ на последните избори, а во моментов е актуелен потпретседател на Движењето БЕСА.

Во неговата биографија стои дека ја извршувал функцијата заменик генерален директор и член на Управниот одбор на Акцинерското друштво Електрани на Северна Македонија АД “ЕСМ” во периодот од 2011 до 2021 година, а во периодот од 2007 до 2011 година бил член на надзорниот одбор во Акционерското друштво Оператор на елетропреносниот систем на РСМ, АД “МЕПСО”.