Фондот за здравствено осигурување одобри пари за плати за стотина приватни лекари специјализанти, кои пет месеци чекаат на ветениот месечен надоместок. Откако се заканија дека ќе протестираат пред Влада, надлежните ги обезбедија потребните финансиски средства.
Одлуката беше усвоена од страна на Управниот одбор на Фондот, со што се исполнети формалните услови на оваа група доктори запишани на приватна специјализација на конкурсот во јануари 2018 година, да им биде исплатен месечен паричен надоместок за нивниот труд и ангажман, соопштија од Министерството за здравство.
Оваа група на специјализанти во октомври, покрај септемвриската плата, според најавите од надлежните ќе ги добие и ветените месечни надоместоци за уште три месеци. Тоа го вети и министерот за здравство и покрај тоа што сите знаеме дека министерот дал доста ветувања ама малку се исполнети. Освен тоа министерот не даде писмена гаранција како што бараа специјализантите, па според тоа ништо чудно да повторно се изјлаови работата.
– Тие го пролонгираа протестот, и секако ретроградно ќе им бидат исплатени и месечните надоместоци од јуни, изјави Венко Филипче, министер за здравство.
Покрај медицинарите, вчера на мирен протест пред Министерството за здравство беа и специјализантите по стоматологија, кои исто така добија ветување за плата од октомври. И едните и другите со месеци наназад реагираа дека неплаќањето на нивниот ангажман и труд само повеќе ги тера младите доктори да бегаат од државата.